1398830_10202529200695630_1992312992_o

Krishtlindje

Nese bie bore, nese edhe s’bie,

Dhurata nese s’marr sic kjo feste ka hije,

Nese nuk kam peme e drita ne shtepi,

Serish kam gezim sepse jam femije.

 

Nese s’kam c’te jap, do jap nje perqafim,

Kartolina nese s’kam, I bej vete me mire,

Babagjyshi  vjen apo jo, ate nate per mua,

Eshte nje dhurate tjeter qe vertet une dua.

 

Ai lindi ne nje grazhd shume vite me pare,

E takuan dhe barinj, edhe dijetare,

Per drita kishte yjet atje lart ne qiell,

Por ndriti gjithe boten ashtu sic ndrin nje diell.

 

Po, vertet i dua gjithe keto zbukurime,

Edhe pemen e bukur ne shtepizen time,

Dhe dritat, dhe kenget dhe boren qe bie,

Pa harruar ditelindjen e ketij femije.

 

Sa dua te kendoj me te gjithe ne bote,

Nje kenge e embel te na bashkoje sot,

Ajo nate e qete, ajo nate e shenjte,

Ajo nate plot drite, per mua e shtrenjte.

181721_1841194633981_2117296_n

Bebi Jezus

Bebi Jezus lindi ne nje grazhd

Aty kish dele, lope e te tjera kafshe.

Prinderit e rriten me shume dashuri,

Ashtu sic prinderit e tu, te duan ty.

 

Ai lindi qe jeta te marre nje tjeter kuptim,

I do te gjithe, ty, mua dhe vellain tim.

Ne nuk jetojme vec per veten tani,

Jetojme te shkembejme me shume dashuri.

 

Bebi Jezus: “Gezuar Ditelindjen!”

Te gjithe ju: “Gezuar Krishtlindjen!”

 

©Ledia Bostic

Advertisements

PO BIE SHI!

2014-10-02 19.49.47

Retë hedhin litarët e gjatë,

Që shiu të zbresë mbi tokë.

Mijëra pikla rendin me nxitim

Ca bien mbi çadra, ca mbi kokë.

 

Ca bien mbi pellgje me ujë

Ca bien mbi çati

Ca bien mbi gjethe e lule

Ca lajnë xhamat në çdo shtëpi.

 

Ca mbi gjuhë vogëlushësh,

Kur përqeshin shoku-shokun.

Ca mbi sy e mbi kapuçë…

Mua sot më lagu bllokun.

 

Ca pikla bien mbi hundë

Ca mbi det, liqen e shatërvan

Ca mbi rrugë e trotuarë

Ca të tjera makina lajnë.

 

Kur zbret shiu nga qielli

Të gjithë njerëzit i prek

Kur bie shi mos u dëshpëroni

Kur bie shi, ju prekni retë!

 

©Ledia Bostic

Ilustration: Shirli Permeti